Horiscopes: Your Maramataka Guide for the Week
Ko tō aratohu Maramataka mō tēnei wiki
I mua i te pānga mai o ngā mahi tāmitanga ki Aotearoa, arā, ko ngā mahi matawā i te whitu rā o te wiki me te rātaka Pākehā, i kōkiri te Māori i āna ake tikanga matawā. Ko tētahi, ko te rere o te marama, me āna āhutanga matapaki i ngā tūmahi me ngā waiaro e tika ana mō ia rā.
Koinei ko te Maramataka, ā, kei te kaha whakamahia tonutia i ēnei rā hei aratohu whakamahere, hei arataki hoki i te tangata kia pēhea tōna kōkiri i a ia anō i runga i te huringa o te marama.
Nā reira, ko tāu, he āta whakatakoto mahere mō te wiki kia hāngai ki te Maramataka me ngā mata rerekē o te marama i tēnei wiki.
Ōhua
Rāhina 16 o Hepetema 3:42 pm – Rātū 17 o Hepetema 5:02 pm
Ka ū mai te ahiahi o te Mane, ka āhua ngoikore te ngao. I ngā wā o mua, ko te ngoikoretanga nei, he tohu ki te tangata kia tahuri ia ki te whakarite i ngā kākano me ngā purapura hei whakatō. Nā reira, mahia! Tēnā whakarite mai i a koe anō mo ngā wā e hiwā ana te ngao, ā, ka whakaoti haere i ngā kawenga mahi iti hei kawe i a koe ki te angitu.
Ōturu
Rātū 17 o Hepetema 5:02 pm – Rāapa 18 o Hepetema 6:23 pm
Kei tua noa mai a Rākaunui, ā, ka kaha ake nei te ngao, me ngā hua hora nui ka puta i āu mahi. Ka wawe tonu te pā o te hihiri ki a koe i āu mahi, nā reira, me wawe tonu to whakarite i a koe kia tutuki pai ai ngā kaupapa i ngā rā tata e tū mai nei.
Rākaunui
Rāapa 18 o Hepetema 6:23 pm - Rāpare 19 o Hepetema 7:43 pm
E tū poupou mai rā a Rākaunui, kua tae te wā kia pirihonga mai koe ki tōna mana me ōna hua nui. Whakatutukitia rawatia ngā mahi nui kei a koe, āta whakatakoto rānei i āu nā mahere i tēnei wā tonu. Me whakaaro hoki koe ki te noho tahi me ō hoa, tō whānau kia kaua noa koe e maninohea noa i te pāpori.
Rākaumatohi
Rāpare 19 o Hepetema 7:43 pm - Rāmere 20 o Hepetema 9:04 pm
He rā anō e kaha ai te ngao, heoi, ka tīmata te tāmate haere i ngā rā e kainamu mai nei. Ahakoa te aha, me whakaaro tonu ki ngā tai pari nui, me te haere ki te hī ika. Tōna tikanga, kei te tini ngā tamariki a Tangaroa i ēnei rā tata kua taha nei. Ki te kore te moana e karanga ki a koe, kāore e kore ka karanga he kaupapa kē.
Takirau
Rāmere 20 o Hepetema 9:04 pm – Rāhoroi 21 o Hepetema 10:25 pm
Kua tae te wā mō te whakarite i a koe, ōu piringa tata me tō taiao. E tō haere nei te marama ki tōna rua, ā, ka ngoikore haere te ngao. Koinei te wā ngakingaki anō i te one whenua. Ko te māra kai pea tēnā, ko te whakatā noa rānei, me te huritao ake i ngā kōkiritanga mahi o te rā.
Oike
Rāhoroi 21 o Hepetema 10:25 pm - Rātapu 22 o Hepetema 11:45 pm
Ahakoa he pai tēnei wā ki te whakatutuki i ngā tūmahi iti nei, arā, ngā mahi whakapai whare, ngā mahi kura rānei, kia mahara ake, me whakatā koe. Taro kau iho, ka noikore haere tō ngao mō ngā rā tata e tū mai nei, nā reira, he pai noa kia āta haere i āu hīkoinga.
Before colonisation swept through Aotearoa with timekeeping methods like the seven days of the week and the Gregorian calendar, Māori had their own ways of documenting time. One way they achieved this was through the lunar cycle, and predicting what activities and attitudes were best suited for certain days.
The Māori lunar calendar is called Maramataka, and it is still used by many in the modern day to plan and act according to the whims of the moon.
So, plan your week according to the Maramataka calendar and the different phases of the moon.
Ōhua
Monday 16 September 3:42 pm - Tuesday 17 September 5:02 pm
As Monday afternoon hits, you’ll likely experience a sharp dip in your energy levels. In older times, this dip would’ve been used to step back and prepare seeds and trees for planting. So do exactly that! Prepare for the high energy levels that are soon to come, and complete smaller tasks that ensure you are ready for success.
Ōturu
Tuesday 17 September 5:02 pm - Wednesday 18 September 6:23 pm
Rākaunui, the full moon, is just around the corner as well as the peak of energy levels and productivity that comes with it. You’ll be feeling a sudden surge of motivation for your mahi, and you should capitalize on it quickly to make the most of the next few days.
Rākaunui
Wednesday 18 September 6:23 pm - Thursday 19 September 7:43 pm
With the full moon here it’s time to make the absolute most of what it offers. Smash out as much work or planning as you can in this time. But also consider organizing a hangout session with your friends and family and putting that freshly charged social battery to good use.
Rākaumatohi
Thursday 19 September 7:43 pm - Friday 20 September 9:04 pm
Another day of high energy, though you’ll soon start to feel it withdraw in the coming days. Still, consider making the most of the high tides and going fishing. The fish are guaranteed to be biting these past few days. And if the ocean doesn’t call to you, I’m sure some other new project will.
Takirau
Friday 20 September 9:04 pm – Saturday 21 September 10:25 pm
It is time to prepare yourself, your loved ones and your surroundings, as the waning moon will begin to decrease your energy. This is the time to give back to the soil, whether that be literally in the form of weeding your vegie patch or by taking a moment to breathe and take stock during the day.
Oike
Saturday 21 September 10:25 pm - Sunday 22 September 11:45 pm
Though this is still a good time to accomplish smaller tasks, such as cleaning up around the house and getting some study prep in, remember to take regular breaks. You’ll soon be entering a period of low energy that will last for a few days, so it’s okay to take things one step at a time as you push through.